കൊച്ചി: ഇടപ്പള്ളിയിലെ ഒബറോണ് ഷോപ്പിങ് മാളില് ബോംബു വച്ചിട്ടുണ്ടെന്ന സന്ദേശം വ്യാജമാണെന്ന് കണ്ടെത്തി. ഏറ്റുമാനൂര് സ്വദേശിയായ കോളജ് വിദ്യാര്ത്ഥിയാണ് തമാശയ്ക്ക് വ്യാജ സന്ദേശം അയച്ചതെന്ന് പോലീസ് അറിയിച്ചു. ഒബ്റോണ് മാളിന് പുറമേ മേനകയിലെ ജി.സി.ഡി.എ ഷോപ്പിങ് കോംപ്ലക്സ്, റെയില്വേ സ്റേഷനുകള്, തിയറ്ററുകള് എന്നിവടങ്ങളില് രണ്ട് ദിവസത്തിനകം ബോംബ് സ്ഫോടനം നടത്തുമെന്നായിരുന്നു സന്ദേശം. ഭീഷണിയെ തുടര്ന്ന് ഒബ്റോണ് മാളില് ഡോഗ്സ്ക്വാഡും ബോംബ്സ്ക്വാഡും അടങ്ങുന്ന ഉന്നത പോലിസ് ഉദ്യോഗസ്ഥര് പരിശോധന നടത്തിയിരുന്നു.
