ഇന്ത്യന് സമ്പദ്വ്യവസ്ഥയില് പരക്കെ അംഗീകരിക്കപ്പെട്ട ഒരു സാമൂഹികക്രമമുണ്ട്. വസ്തുവകകളുടെ ഉപയോഗം നടത്തുന്നവര് ഉടമക്ക് വാടക നല്കുക, അധ്വാനശേഷി ഉപയോഗപ്പെടുത്തുന്നവര് വേതനം നല്കുക, ധനനിക്ഷേപം ഉപയോഗപ്പെടുത്തുന്നവര് പലിശ നല്കുക എന്നതൊക്കെ ഈ സാമൂഹികക്രമത്തില് ലയിച്ചുചേര്ന്ന ഘടകങ്ങളാണ്. നിക്ഷേപം പലിശ നല്കി സ്വീകരിക്കുകയും അത് വായ്പയായി പലിശ സ്വീകരിച്ച് നല്കുകയും ചെയ്യുന്ന ഇടപാടുകളില് വ്യാപൃതമായിരിക്കുന്ന ബാങ്കുകള് സമ്പദ്വ്യവസ്ഥയില് സുപ്രധാനസ്ഥാനം നേടിയത് ഈ പശ്ചാത്തലത്തിലാണ്്.
