മുംബൈ: ദുര്ബലമായ ആഗോള സൂചനകള്ക്കിടയില് വിപണിയില് ചാഞ്ചാട്ടം. റിയല് എസ്റ്റേറ്റ്, ബാങ്കിങ് ഓഹരികള് നേട്ടമുണ്ടാക്കിയെങ്കിലും ഓട്ടോ, എഫ്.എം.സി.ജി ഓഹരികള്ക്കുണ്ടായ തിരിച്ചടി ആ നേട്ടം ഇല്ലാതാക്കുകയായിരുന്നു. സെന്സെക്സ് 44.46 പോയറിന്റെ നേരിയ വര്ധനയില് 17534.54ല് ഇടപാട് അവസാനിപ്പിച്ചപ്പോള് നിഫ്റ്റി 19 പോയന്റ് നേട്ടത്തില് 5250.9ല് ക്ലോസ് ചെയ്തു.
മഹീന്ദ്ര, ഒ.എന്.ജി.സി, മാരുതി സുസുകി, സ്റ്റെര്ലൈറ്റ് ഇന്ഡസ്ട്രീസ്, ഐ.ടി.സി എന്നിവയാണ് നഷ്ടത്തില് ക്ലോസ് ചെയ്ത പ്രമുഖര്. ജയ്പ്രകാശ് അസോസിയേറ്റ്സ്, ഇന്ഫോസിസ്, ഡി.എല്.എഫ്, ഐ.സി.ഐ.സി.ഐ ബാങ്ക്, എച്ച്.യു.എല് എന്നിവ നേട്ടമുണ്ടാക്കി.
